zamin dega magar asman mangega
mire vajud se vo sa.eban mangega
main chand pal jo use thoḌa aasra de duun
phir umr-bhar ke liye kul jahan mangega
vo janta hai nishana achuk hai mera
vo mujh se TuuTi hui bhi kaman mangega
har ek gaam pe tu ne kiya hai qatl mira
tu kitni daf.a miri aur jaan mangega
tiri zaban men tujh ko javab duun main agar
hisab mujh se mira ḳhandan mangega
main janti huun sar-e-bazm aa.ega vo aur
mira javab usi darmiyan mangega
agar vo jaan bhi mange ḳhushi ḳhushi de duun
magar vo kuchh bhi kahan be-zaban mangega
Leave a Reply