Zamin Dega Magar Aasman Mangega

zamīn degā magar āsmān māñgegā

mire vajūd se vo sā.ebān māñgegā

maiñ chand pal jo use thoḌā aasrā de duuñ

phir umr-bhar ke liye kul jahān māñgegā

vo jāntā hai nishāna achūk hai merā

vo mujh se TuuTī huī bhī kamān māñgegā

har ek gaam pe tū ne kiyā hai qatl mirā

tū kitnī daf.a mirī aur jaan māñgegā

tirī zabān meñ tujh ko javāb duuñ maiñ agar

hisāb mujh se mirā ḳhāndān māñgegā

maiñ jāntī huuñ sar-e-bazm aa.egā vo aur

mirā javāb usī darmiyān māñgegā

agar vo jaan bhī māñge ḳhushī ḳhushī de duuñ

magar vo kuchh bhī kahāñ be-zabān māñgegā

Leave a Comment