na sahi aap hamare jo muqaddar men nahin
ab vo pahli si taḌap bhi dil-e-muztar men nahin
aap ki baat ki vaq.at nahin aslan dil men
aap dam bhar men to haan karte hain dam bhar men nahin
mujh ko bavar to jab aa.e ki kuchh ummid bhi ho
likh diya ḳhat men vo us ne jo muqaddar men nahin
main ne puchha tha kaho aur sataoge mujhe
munh se nikli hai sitam-gar ke ghaḌi bhar men nahin
aap kyuun zikr se ‘beḳhud’ ke ḳhajil hote hain
ye to vo naam hai jo aap ke daftar men nahin
Leave a Reply