Be-Yar Shahr Dil Ka Viran Ho Raha Hai

be-yar shahr dil ka viran ho raha hai

dikhlai de jahan tak maidan ho raha hai

is manzil-e-jahan ke bashinde raftani hain

har ik ke haan safar ka saman ho raha hai

achchha laga hai shayad ankhon men yaar apni

aina dekh kar kuchh hairan ho raha hai

gul dekh kar chaman men tujh ko khila hi ja hai

yaani hazar ji se qurban ho raha hai

hal-e-zabun apna poshida kuchh na tha to

sunta na tha ki ye said be-jan ho raha hai

zalim idhar ki sudh le juun sham-e-subh-gahi

ek aadh dam ka ashiq mehman ho raha hai

qurban-gah-e-mohabbat vo ja hai jis men har su

dushvar jaan dena asan ho raha hai

har shab gali men us ki rote to rahte ho tum

ik roz ‘mir’ sahab tufan ho raha hai

Leave a Comment