lahron men bhanvar niklenge mehvar na milega
har mauj men paani bhi barabar na milega
gir jaati hai roz ek parat raakh badan se
jalne ka saman phir bhi kahin par na milega
chashmak bhi jo rakhni hai to chautha.i zamin se
shorida zaban kaise samundar na milega
har samt dimaghon ke tarangon ka hai shab-ḳhun
taknik ki is jang men lashkar na milega
raste hi men jal bujhti hai mahtabi-e-anjum
sabit ko to sayyar ka zevar na milega
karte hain hifazat sabhi divar-e-ana ki
raḳhne ke barabar bhi kahin dar na milega
kuza-gar-e-qamus kahan ‘zeb’ sa ‘tafzil’
simTa hua kaghaz pe samundar na milega
Leave a Reply