ye kaisi aag mujh men jal rahi hai
ye kaisi barf mujh men gal rahi hai
koi tasbih mujh men paḌh raha hai
koi qindil mujh men jal rahi hai
musafir ja chuka lambe safar par
abhi tak dhuup ankhen mal rahi hai
sabhi bahon ko phaila.e khaḌe hain
qayamat hai ki har-pal Tal rahi hai
izafi ho chuka hai matn saara
kahani hashiye se chal rahi hai
mujhe sab dafn kar ke ja chuke hain
magar ye saans ab tak chal rahi hai
bahut ro.egi ye laḌki kisi din
jo mere saath hans kar chal rahi hai
Leave a Reply