Afzal Khan
tabhi to main mohabbat ka havalati nahin hota
yahan apne siva koi mulaqati nahin hota
giraftar-e-vafa rone ka koi ek mausam rakh
jo naala roz bah nikle vo barsati nahin hota
bichhadne ka irada hai to mujh se mashvara kar lo
mohabbat men koi bhi faisla zaati nahin hota
tumhen dil men jagah di thi nazar se duur kya karte
jo markaz men thahar jaae mazafati nahin hota
Leave a Reply