akhtar-ul-iman

Tabdili

is bhare shahr men koi aisa nahin

jo mujhe raah chalte ko pahchan le

aur avaz de o be o sar-phire

donon ik dusre se lipat kar vahin

gird-o-pesh aur mahaul ko bhuul kar

galiyan den hansen hatha-pai karen

paas ke ped ki chhanv men baith kar

ghanton ik dusre ki sunen aur kahen

aur is nek ruhon ke bazar men

meri ye qimti be-baha zindagi

ek din ke liye apna rukh mod le

More Poems

Leave a Comment