tab-e-didar ju laae mujhe vo dil dena
munh qayamat men dikha sakne ke qabil dena
na-tavanon ke sahare ko hai ye bhi kaafi
daman-e-lutf ghubar-e-pas-e-mahmil dena
zauq men surat-e-mauj aa ke fana ho jaun
koi bosa to bhala ai lab-e-sahil dena
haae re haae tiri uqda-kushai ke maze
tu hi khole jise vo uqda-e-mushkil dena
ek fitna hai qayamat men bahar-e-firdaus
juz tire kuchh bhi na chahe mujhe vo dil dena
dard ka koi mahal hi nahin jab dal ke siva
mujh ko har uzv ke badle hama-tan dil dena
Leave a Reply