salma-shaheen-1

Taaqub Mera Khushbu Kar Rahi Thi

taaqub mera khushbu kar rahi thi

mire zakhmon pe marham dhar rahi thi

main chhedun phir vahi saz-e-mohabbat

ishare vo musalsal kar rahi thi

hua din fikr-e-duniya ne dabocha

tumhari yaad to shab bhar rahi thi

vo din bhi the ki tu ne ashk ponchhe

tiri mamnun chashm-e-tar rahi thi

hamara naam kya surat nahin yaad

mulaqat un se to akasr rahi thi

sahar tak raat ki raani ki khushbu

miri angnai men din bhar rahi thi

More Poems

Leave a Comment