marne ki mujh ko aap se hain iztirabiyan
karta hai mere qatl ko tu kyuun shitabiyan
mera hi khanuman nahin viran hua koi
bahuton ki ki hain ishq ne khana kharabiyan
khvan-e-falak pe neamat-e-alvan hai kahan
khali hai mahr-o-mah ki donon rikabiyan
hargiz khum-e-falak men nahin hai sharab-e-ishq
ghunchon ki khun-e-dil se bhari hain gulabiyan
halqon se us ki zulf ke rukhsar hai ayaan
‘taban’ jathe men dekho hain kya mah-tabiyan
Leave a Reply