Saleem Ansari
ta-hadd-e-nazar koi bhi dam-saz nahin hai
ya phir miri chiḳhon men hi avaz nahin hai
hangame hain is darja bapa ḳhalvat-e-jan men
ab dil ke dhaḌakne ki bhi avaz nahin hai
shayad main usi ek kahani ka huun kirdar
anjam hai jis ka magar aghaz nahin hai
allah ye kya manzil-e-arzani-e-jan hai
qatil hain har ik moḌ pe dam-saz nahin hai
jo ḳhat hai lifafe men use ghaur se paḌhiye
chehra mire halat ka ghammaz nahin hai
Leave a Reply