Ta-Falak Hai KHushbuon Ka Silsila

tā-falak hai ḳhushbuoñ kā silsila

pheñk de mujh ko ḳhalāoñ meñ zarā

chhoḌ ke tanhā mujhe kyoñ vo ga.e

maiñ bhī hairāñ huuñ kyā hai maiñ ne kiyā

chāñdnī pighlī huī thī raat kī

din na jaane kyoñ udāsī meñ rahā

ab kabhī shāyad nahīñ aa.egā vo

din bhī Duubā raat ne pahra kiyā

aaj bhī bāhar na din bhar jā sakā

rāsta thā dhuñd meñ lipTā huā

zindagī ne dard jo mujh ko diyā

shā.irī se vo kisī had tak miTā

Leave a Comment