nida-fazli

Jaane Walon Se Rabta Rakhna

jaane valon se rabta rakhna

dosto rasm-e-fatiha rakhna

ghar ki taamir chahe jaisi ho

us men rone ki kuchh jagah rakhna

masjiden hain namaziyon ke liye

apne ghar men kahin khuda rakhna

jism men phailne laga hai shahr

apni tanhaiyan bacha rakhna

umr karne ko hai pachas ko paar

kaun hai kis jagah pata rakhna

More Poems

Leave a Comment