Jab Bantana Hi Azab Thahra

jab bantana hi azaab thahra

phir kaisa hisab mangte ho

sab honton pe mohr lag chuki hai

ab kis se javab mangte ho

kaliyon ko masal ke apne hathon

phulon se shabab mangte ho

har lafz salib par chadha kar

tum kaisi kitab mangte ho

sab raushniyon ko chhin kar bhi

divanon se khvab mangte ho

firdaus-e-barin men mil sakegi

is yug men sharab mangte ho

Leave a Comment