main zindagi ke hazaron azaab jhel gaya
azaab kya hain main kitne hi ḳhvab jhel gaya
ye pyaas dhuup safar dasht aur main tanha
ghanim vaqt ka ik ik hisab jhel gaya
main apne aap se mil kar bahut pasheman huun
bichhaḌte rahne ka paiham azaab jhel gaya
ufuq ufuq vo magar mehr-o-mah uchhale hai
main zaḳhm zaḳhm ka.i aftab jhel gaya
vo ik sada thi ki sadiyon ki guunj thi mujh men
us ek lamhe men kya inqalab jhel gaya
ukhaḌ hi ja.ega ab sa.iban-e-roz-o-shab
‘shamim’ bojh to zor-e-tanab jhel gaya
Leave a Reply