bebasi ḳhaak uḌane se bhi kaT sakti thi
niind thi niind to lamhon men palaT sakti thi
main akeli hi sahe jaati thi iflas ka dukh
vaise taklif to ham donon men baT sakti thi
tu jo kamre se nikal aaya to ye phail ga.i
raushni tere ishare pe simaT sakti thi
aap ghusse men the main rok na paa.i varna
aap ki shirt mire haath se phaT sakti thi
haa.e gambhir andhere men hua gum bachcha
maan to ḳhurshed ka taḳhta bhi ulaT sakti thi
Leave a Reply