bebasī ḳhaak uḌāne se bhī kaT saktī thī
niiñd thī niiñd to lamhoñ meñ palaT saktī thī
maiñ akelī hī sahe jaatī thī iflās kā dukh
vaise taklīf to ham donoñ meñ baT saktī thī
tū jo kamre se nikal aayā to ye phail ga.ī
raushnī tere ishāre pe simaT saktī thī
aap ġhusse meñ the maiñ rok na paa.ī varna
aap kī shirt mire haath se phaT saktī thī
haa.e gambhīr añdhere meñ huā gum bachcha
maañ to ḳhurshed kā taḳhta bhī ulaT saktī thī