Haneef Akhgar
sang barsenge aur muskura.enge ham
yuun bhi ku-e-malamat men ja.enge ham
aa.ina tere gham ko dikha.enge ham
dil jalega magar muskura.enge ham
har masarrat se daman bacha.enge ham
gham tira is tarah azma.enge ham
har masarrat se daman bacha.enge ham
ab ye socha hai ik shaḳhs ki yaad ko
zindagi ki tarah bhuul ja.enge ham
dekhna ban ke parvana aaoge tum
surat-e-sham.a ḳhud ko jala.enge ham
dushmanon par agar vaqt koi paḌa
doston ki tarah pesh a.enge ham
dil ko zaḳhmon se ‘aḳhgar’ saja.e hue
roz jashn-e-baharan manaenge ham
Leave a Reply