suraj tiri dahliz men aTka hua nikla
ye nuqra.i sikka kahan phenka hua nikla
ham ne kabhi khincha tha jo ungli se hava par
vo naqsh to divar pe likkha hua nikla
shaam apne tilismat men jakḌi hui aa.i
chand apne ḳhayalat men Duuba hua nikla
vo hashr hua hai ki tire hashr ka manzar
pahle se ka.i martaba dekha hua nikla
ik yaad mire zehn men bujhti hui aa.i
ik chand mire khet se TuuTa hua nikla
lalkara andhere ne ki ḳhurshid kahan hai
ik diip kahin oT se sahma hua nikla
Leave a Reply