Subodh Lal Saqi
sunahra hi sunahra vada-e-farda raha hoga
qayas-ara.i ka be-saḳhta lamha raha hoga
samundar men chune moti na taron ka jahan dekha
zarur schōl men taḳh.il par pahra raha hoga
kaha tha jis ne tum se haan main tum se pyaar karta huun
mire andar chhupa ik be-dhaḌak laḌka raha hoga
main ab bhi Darte Darte apne haq ki baat karta huun
miri ta.alim men Dar ka baḌa hissa raha hoga
tumhari bazm se ghusse men uTh ke aa gaya tha main
na jaane ba.ad men kis qism ka charcha raha hoga
gaya hai chhoḌ kar mahfil kuchh itni be-dili se vo
ki bahar bhiiḌ men bhi vaqa.i tanha raha hoga
vo jis ne mujh ko registan men paani pilaya tha
mujhe lagta hai ḳhud vo mehrban pyasa raha hoga
Leave a Reply