Sun Ke Har Samt Siskiyan Maine

sun ke har samt siskiyāñ maiñ ne

band kar liiñ thiiñ khiḌkiyāñ maiñ ne

ye bhī dastūr hai mohabbat kā

haar kar jiitī bāziyāñ maiñ ne

haath uThte nahīñ duā ke liye

ab jalā diiñ haiñ arziyāñ maiñ ne

ham-safar vo jo ham-safar hī na thā

aur phir kar liiñ dūriyāñ maiñ ne

par katar paa.ī jab na ḳhvāboñ ke

band hī kar diiñ khiḌkiyāñ maiñ ne

Leave a Comment