Anjum Fauqi Badayuni
sun kaha maan na manega to pachhta.ega
pyaar nadan ko mat de ki ye mar ja.ega
ravish-e-am se hoshyar ki pachhta.ega
vaqt ko chhoḌ ye paani hai guzar ja.ega
sach koi fan to nahin hai jo sikhaya jaa.e
jhuuT se kaam le sach bolna aa ja.ega
do pahar hal-e-ghanimat hain akele-pan se
saath mat chhoḌ ki ankhon men bikhar ja.ega
bahr-e-zulmat pasina hai miri ankhon ka
zid na kar kaam ye aansu ka bhi kar ja.ega
in lahu-rang fazaon pe na ja baat samajh
ghar ke aaseb se bach vaqt badal ja.ega
meri ghazlen hain mohabbat ke sahife ‘anjum’
paḌhne valon ko tilavat ka maza aa.ega
Leave a Reply