Siya Sachdev
sulagte dasht ka manzar hui hain
ye ankhen hijr men banjar hui hain
tumhari aarzu ko mil gaya ghar
hamari hasraten be-ghar hui hain
mohabbat men taḌap aahen aziyyat
ye sab dushvariyan aksar hui hai
nigahon men koi tasvir ubhri
ye ankhen ansuon se tar hui hain
nahin main vo nahin aise na dekho
bahut tabdiliyan andar hui hai
sitaron par khule hain raaz dil ke
tiri baten hi bas shab-bhar hui hain
siya mayus bebas ḳhvahishen kuchh
mire apne lahu se tar hui hain
Leave a Reply