ḳhubiyon men nahin kuchh daulat-o-zar ki ḳhubi
adamiyat se hai duniya men bashar ki ḳhubi
karte hain nim-nigah men vo suna mas ko tila
hai ye adna nazar-e-ahl-e-nazar ki ḳhubi
be-samar sabz hui shaḳh to kya sabz hui
ho samar-dar ye hai shaḳh-e-shajar ki ḳhubi
bad-maza aur hue shor-o-fughan se vo mire
dekh li ham ne ye nalon ke asar ki ḳhubi
naam hi naam suno un ka vo aaven na nazar
hai yahi bas dahan-e-tang-o-kamar ki ḳhubi
raunaq-e-hazrat-e-dehli thi usi ke dam se
ba.ad marne ke khuli sab pe ‘zafar’ ki ḳhubi
ho na iqbal to de jalva-e-sad-aib-e-hunar
saath iqbal ke hai ‘aish’ hunar ki ḳhubi
Leave a Reply