ḳhud pe vo faḳhr-kunan kaisa hai
us ko apne pe guman kaisa hai
koi jumbish hai na aahaT na sada
ye jahan-e-guzaran kaisa hai
dil dhaḌakne ki bhi avaz nahin
saneha kahish-e-jan kaisa hai
aaj tak zaḳhm hare hain dil ke
marham-e-chara-garan kaisa hai
us se nazdik nahin hai koi
vo qarib-e-rag-e-jan kaisa hai
gul khula hi ga.i laila-e-bahar
shor-e-ashufta-saran kaisa hai
ham kaḌi dhuup ke aadi the ‘habab’
sar pe ye abr-e-ravan kaisa hai
Leave a Reply