Sukut Se Bhi suKHan Ko Nikal Lata Hua

sukūt se bhī suḳhan ko nikāl laatā huā

ye maiñ huuñ lauh-e-shikasta se lafz uThātā huā

makāñ kī tañgī o tārīkī besh-tar thī so maiñ

diye jalātā huā ā.īne banātā huā

tire ġhayāb ko maujūd meñ badalte hue

kabhī maiñ ḳhud ko tire naam se bulātā huā

charāġh jalte hī ik shahr munkashif ham par

aur us ke baad vahī shahr Duub jaatā huā

bas ek ḳhvāb ki us qarya-e-badan se hunūz

navāh-e-dil talak ik rāsta sā aatā huā

Leave a Comment