Poet
vaj.h-e-rangini-e-hayat ga.i
tum ga.e saari ka.enat ga.i
mausam-e-gul hai fasl-e-jama-dari
ehtiyaj-e-takallufat ga.i
jab se lazzat-kash-e-jafa hai dil
hajat-e-chashm-e-iltifat ga.i
sub.h tak muntazir rahe anjum
tum na aa.e tamam raat ga.i
baḌh gaya aur rang-e-istighna
dard-e-dil kah ke apni baat ga.i
un ki ankhon se Dhal paḌe aansu
maya-e-husn ki zakat ga.i
lab-e-naushin-e-yar ki ḳhatir
dil se shirini-e-hayat ga.i
ashiqi ke qimar-ḳhane men
jo bhi baazi laga.i maat ga.i
Leave a Reply