Sukun

na zahr-e-khand labon par, na aankh men aansu

na zakhm-ha-e-darun ko hai justuju-e-maal

na tirgi ka talatum, na sail-e-rang-o-nur

na khar-zar-e-tamanna men gumrahi ka khayal

na atish-e-gul-e-lala ka daagh siine men

na shorish-e-gham-e-pinhan na arzu-e-visal

na ishtiyaq, na hairat, na iztirab, na sog

sukut-e-sham men khoi hui kahani ka

tavil raat ki tanhaiyan nahin be-rang

abhi hua nahin shayad lahu javani ka

hayat o maut ki had men hain valvale chup-chap

guzar rahe hain dabe paanv qafile chup-chap

Leave a Comment