magar nahin tha faqat ‘mir’ ḳhvar main bhi tha
ki ahl-e-dard men ashufta-kar main bhi tha
saba ki tarah use bhi na tha sabat kahin
na jaane kya tha bahut be-qarar main bhi tha
panah leni paḌi thi mujhe bhi saa.e men
rahin-e-minnat-e-divar-e-yar main bhi tha
hazar apni tabi.at pe jabr karta tha
main sabr karta tha be-iḳhtiyar main bhi tha
ye kis ne dekha ki mujh be-nava ke daman men
mohabbaten thiin bahut saya-dar main bhi tha
Leave a Reply