Dilawar Ali Aazar
bana raha tha koi aab o ḳhaak se kuchh aur
uTha liya phir achanak hi chaak se kuchh aur
jala ke baiTh gaya main vo aḳhiri tasvir
to naqsh ubharne lage us ki raakh se kuchh aur
bas apne aap se kuchh der ham-kalam raho
nahin hai fa.eda hijr o firaq se kuchh aur
hamari faal hamare hi haath se nikli
bana hai za.icha par ittifaq se kuchh aur
vahi sitara-numa ik charagh hai ‘azar’
mira ḳhayal tha niklega taaq se kuchh aur
Leave a Reply