Poet
ba-nam-e-ishq gham-e-mo’tabar zaruri hai
hayat ke liye koi hunar zaruri hai
kuchh aur ho na ho hasil baqa-e-dil ke liye
ik iztirab-e-musalsal magar zaruri hai
nashat-e-did jo manzur hai to ai yaaro
nazar ke saath ḳhulus-e-nazar zaruri hai
bahut ghalat hai tamanna-e-ḳhud-faramoshi
vafur-e-ishq men apni ḳhabar zaruri hai
ḳhyal-e-zinat-e-fasl-e-bahar se pahle
mizaj-dani-e-barq-o-sharar zaruri hai
kuchh ham bhi aap se ummid-e-lutf rakhte hain
udhar bhi ek uchaTti nazar zaruri hai
chaman ko aur hasin-tar banana hai ‘mansha’
to rang-e-kari-e-ḳhun-e-jigar zaruri hai
Leave a Reply