Zareef Lakhnavi
ghuncha-dahan vahi hai ki gunga kahen jise
hai sarv-qad vo asl men langDa kahen jise
ma.ashuq chahiye ki ho aisa siyah-fam
majnun miyan bhi dekh ke laila kahen jise
mai ko jo istilah men kahte hain duḳht-e-raz
vo mughbacha hai rindon ka saala kahen jise
sab janvar na hazrat-e-insan se kyuun Daren
paida hain us ke peT se havva kahen jise
sab ungliyan jhuka ke anguTha uTha.iye
ban ja.egi vo shakl ki Thenga kahin jise
Leave a Reply