Hairan Hain Dekh Teri Surat Ko Yan Talak Hum

hairāñ haiñ dekh terī sūrat ko yaañ talak ham

tasvīr-sāñ ai pyāre maare nahīñ palak ham

hoñ bāryāb kyūñ-kar ḳhurshīd-rū talak ham

ai kaash us kī dekheñ jiyūñ zarra ik jhalak ham

ye fāl-e-ārzū hai aisā na biino dekho

dilbar ke phir bhī hoñge vābasta-e-alak ham

har haal meñ ġharaz ‘ishq’ dād-e-junūñ hai denī

sar phoḌte falak se hote agar malak ham

Leave a Comment