abdullah-kamal

Apni Aankhon Ko Umidon Se Sajae Rakhna

apni ankhon ko umidon se sajae rakhna

jalti raton men koi khvab bachae rakhna

laut kar aunga phir gaanv tumhare ik din

apne darvaze pe ik diip jalae rakhna

ajnabi jaan ke patthar na svagat ko badhen

apni galiyon ko mira naam batae rakhna

suune savan men sataegi bahut purvai

dard ko dil men magar apne dabae rakhna

hijr ki tira-shabi thahri hai taqdir-e-visal

meri yadon ke sitaron ko jagae rakhna

khush-naqabi ka bharam tutne paae na ‘kamal’

gham ko honton ke tabassum men chhupae rakhna

More Poems

Leave a Comment