Tajdar Adil
hai zamane ka karobar vahi
ravish-e-bazm-e-rozgar vahi
tum ga.e ho to kuchh nahin badla
phuul vaise hi hain bahar vahi
roz chalta huun tum nahin hote
peḌ do-ruya rahguzar vahi
manzil-e-shauq bhi nahin badli
rahguzar bhi vahi ghubar vahi
haan koi daagh bhi naya na mila
hasraton ka bhi hai shumar vahi
haan vo sahra bhi kuchh nahin badla
garm suraj vahi hai ḳhaar vahi
ab hai ye haal bas ki jiite hain
zinda rahne ka hai shi.ar vahi
dekhti sab hain aur ankhon men
ḳhvab vaise hi ashk-bar vahi
Leave a Reply