zindagi hai ki har ik gaam nigun-sar hai abhi
zehn ghaTte hue ehsas ka mehvar hai abhi
chhuT kar ja.un kahan main ki huun ḳhud men hi asiir
jaane kis dard ka aaseb mire sar hai abhi
zalzala ban ke miTa degi kisi roz mujhe
haa.e vo shai ki jo muzmar mire andar hai abhi
na koi aks na chehra hai na paikar koi
duur tak dhund men lipTa hua manzar hai abhi
hadse gher na len phir sar-e-bazar mujhe
mere siine men vahi shor samundar hai abhi
Leave a Reply