koi bhi chiiz yahan vaqt-e-zarurat na mili
kabhi sahra jo mila bhi kahin vahshat na mili
band kamre men ye dastur kahan se aaya
kyuun mujhe ḳhud se bhi milne ki ijazat na mili
kyuun har ek moḌ pe roka hai talashi ke liye
kyuun mujhe ghar se nikalne ki ijazat na mili
ab yahi ranj miri aankh men aa baiTha hai
toḌ kar aa.ina dekha kahin hairat na mili
mauj-e-dariya thi kahin aur na hava ka jhonka
ret par likkhi thi jo raat ibarat na mili
Leave a Reply