Khwabon Ke Mahal Tut Ke Gir Jate Hain Akasr

khvabon ke mahal tuut ke gir jaate hain akasr

phir un se hi din apne sanvar jaate hain akasr

ai bad-e-saba un ko ye paigham mira de

kyuun chhup ke miri rah se guzar jaate hain akasr

duniya men har ik shai hai faqat teri kami hai

naqshe tiri yadon ke ubhar jaate hain akasr

vo naaz uthane ke to qaael hi nahin hain

phir ham bhi khafa ho ke biphar jaate hain akasr

‘kausar’ tire mai-khane men saghar na subu hai

phir kyuun yahan mai-nosh thahar jaate hain akasr

Leave a Comment