Sach Bol Ke Bachne Ki Riwayat Nahin Koi

sach bol ke bachne kī rivāyat nahīñ koī

aur mujh ko shahādat kī zarūrat nahīñ koī

maiñ rizq kī āvāz pe labbaik kahūñgā

haañ mujh ko zamīnoñ se mohabbat nahīñ koī

mere bhī ka.ī ḳhvāb the mere bhī ka.ī azm

hālāt se inkār kī sūrat nahīñ koī

maiñ jis ke liye saare zamāne se ḳhafā thā

ab yuuñ hai ki us naam se nisbat nahīñ koī

lahja hai mirā talḳh mire vaar haiñ bharpūr

lekin mere siine meñ kudūrat nahīñ koī

Leave a Comment