koi dariya huun jo kuuze men simaT ja.unga
pyaas huun main tire honTon se lipaT ja.unga
ek avaz se milti hain ka.i avazen
main andhere men kisi se bhi lipaT ja.unga
jis tarah chahiye kar lijiye nuqte ka shumar
main adad kab huun ki ta.adad men baT ja.unga
ghaur kar ek naya sher huun naqqad-e-ghazal
tera bheja main nahin huun ki ulaT ja.unga
koi naghma koi avaz nahin huun ‘ash.har’
bazm-e-tanha.i huun ḳhud se hi lipaT ja.unga
Leave a Reply