jitne the rang husn-e-bayan ke bigaḌ ga.e
lafzon ke baagh shahar ki surat ujaḌ ga.e
is andhiyon ki fasl men hai kis bina pe naaz
tum kya ho asmanon ke ḳheme ukhaḌ ga.e
ye mo.ajiza hayat ka ma.amul ban gaya
itni dafa charagh havaon se laḌ ga.e
qatre lahu ke jin ko samajhte ho be-numu
akasr zamin-e-shor men bhi jaḌ pakaḌ ga.e
gardan-faraziyon yuun hai maqtal zamin tamam
kaise kahan ye baat pe tum apni uḌ ga.e
Leave a Reply