Poet
sukun kisi ko mayassar nahin chaman men abhi
bahut se ḳhaar hain phulon ke pairahan men abhi
nasim-e-sub.h ne gul to bahut khila.e hain
magar bahar na aa.i mire chaman men abhi
mujhe ye naaz ki ashkon ko pi raha huun main
unhen ye gham ki andhera hai anjuman men abhi
chaman pe hai ye karam bu-e-ghuncha-o-gul ka
ki irtibat hai baaqi lab-o-dahan men abhi
ye kis ḳhayal ke aate hi chhaT ga.i ‘nashtar’
jo tirgi thi ḳhayalon ki anjuman men abhi
Leave a Reply