Khaqan Khavar
baar baar ek hi nazzara na dikhlaya kar
baat dilkash bhi agar ho to na dohraya kar
log gir jaate hain miTTi ke gharondon ki tarah
is tarah barish-e-didar na barsaya kar
peḌ ka saaya nahin TuuTa hua patta huun
mujh ko jazbat ke dariya men na Thahraya kar
TuuT jaa.e na kisi roz tira shish-mahal
yuun sar-e-rah na divanon ko samjhaya kar
mere ehsas ko ik phuul bahut hai ‘ḳhavar’
mere ehsas pe yuun sang na barsaya kar
Leave a Reply