Ishq Mein Ashk Jo Bahate Ho

ishq meñ ashk jo bahāte ho

aag paanī ko tum milāte ho

saare pakvān phir lageñ phīke

hoñTh jab hoñTh se lagāte ho

ek kāñTe se phuul ne bolā

shukriya tum mujhe bachāte ho

tairne kā hunar nahīñ phir bhī

gahre paanī meñ kyoñ nahāte ho

Dar hai jab dil ke TuuT jaane kā

ret pe ghar hī kyoñ banāte ho

itnā kyoñ buġhz hai sitāroñ se

haath bas chāñd se milāte ho

Leave a Comment