Sukun-E-Dil Na Sahi Josh-E-Iztirab to Hai

Poet

sukun-e-dil na sahi josh-e-iztirab to hai

hisab teri inayat ka be-hisab to hai

yahan qayam-e-masarrat ka naqsh kaise mile

jahan masa.ib-e-paiham ka ek baab to hai

fasana dil ka pahunchta hai dekhiye un tak

nigah-e-shauq sar-e-bazm be-hijab to hai

qafas udaas faza dam-ba-ḳhud chaman viran

ba-qadr-e-dard fughan aaj kamyab to hai

ḳhuda ka shukr ki ‘az.har’ ba-yad-e-lutf-e-bahar

ḳhizan ke jaur uThane ki dil men taab to hai