sukhe hue daraḳht ke patton ko dekhna
phir chehra-e-hatyat ke zaḳhmon ko dekhna
ḳhush-rangi-e-hayat ka paoge aks tum
patthar uchhal kar zara lahron ko dekhna
meri nazar men ye bhi ibadat ḳhuda ki hai
shafqat bhari nigah se bachchon ko dekhna
is vaste main paas hi rakhta huun aa.ina
mushkil hai apni aankh se jazbon ko dekhna
taḳhrib-e-ka.enat ki zinda misal hai
sahil pe intishar ke zaḳhmon ko dekhna
jakḌenge ek din vahi rishton ke jaal men
ho jaa.e dhund saaf to apnon ko dekhna
Leave a Reply