suhulat kam pareshani bahut hai
mohabbat men ye asani bahut hai
bahut lagti hai dil ko is liye bhi
tumhari baat la-yani bahut hai
use ḳhatra hai pyasa daman-e-dil
hamari aankh men paani bahut hai
yahin kar lete hain sahra-navardi
hamare ghar men virani bahut hai
ye manzar hi kuchh aisa hai ki ya phir
miri ankhon men uryani bahut hai
chale jaana hai is basti se ham ne
ye basti ham ko yaad aani bahut hai
samajhta hi nahin vo shaḳhs ‘nami’
use har baat samjhani bahut hai
Leave a Reply