subut apni mohabbat ka use dena zaruri tha
uḌana ḳhaak karna chaak daman ka shu.uri tha
sharar-e-sang se hasb-e-zarurat aag raushan ki
ye ḳhaki apni fitrat men na naari thana nuuri tha
kanar-e-rah jo ashjar the saa.e ki ḳhatir the
batana kaam sang-e-mil ka manzil se duuri tha
sitam Dhana mukarna aur mujhe ḳhamosh kar dena
mohabbat men ravayya us ka chori sina-zori tha
ḳhuda-hafiz ki aane ko hai apni manzil-e-maqsud
qayam apna jahan men mustaqil kab tha uburi tha
Leave a Reply