sub.h se shaam ke asar nazar aane lage
phir sahare mujhe be-kar nazar aane lage
us musafir ki naqahat ka Thikana kya hai
sang-e-manzil jise divar nazar aane lage
un ke jauhar bhi khule apni haqiqat bhi khuli
ham se khinchte hi vo talvar nazar aane lage
mire hote dil-e-mushtaq-e-sitam ke hote
yaar minnat-kash-e-aghyar nazar aane lage
‘saif’ itna bhi na kar zabt ki phir un ke huzur
ḳhamushi dard ka iz.har nazar aane lage
Leave a Reply