Ea C A Faf
sub.h ko chain na ho shaam ko aram na ho
is se behtar hai miri sub.h na ho shaam na ho
mahfil-e-daur-e-ghazal sarf-e-mai-o-jam na ho
zindagi meri bhala kaise bad-anjam na ho
har ghaḌi samne hai silsila-e-dar-o-rasan
tujh sa zalim koi ai gardish-e-ayyam na ho
na-muradi ki shikayat zara ye to sochen
na-muradi hi kahin ishq ka in.aam na ho
mujh ko duniya se hai ummid vafa ki ab tak
koi bhi is tarah sar-gashta-e-auham na ho
shauq hai tujh ko zamane men tira naam rahe
aur mujhe Dar hai mohabbat miri bad-nam na ho
koi din jaata hai mahfil men bikhar ja.egi
apni halat pe pareshan dil-e-nakam na ho
tu ne kab ishq men achchha bura socha ‘sarvar’
kaise mumkin hai ki tera bura anjam na ho
Leave a Reply