Poet
sar mila hai ishq ka sauda samane ke liye
ankhen diin insan ko aansu bahane ke liye
us ka hansna yaad aata hai rulane ke liye
kuchh bahana chahiye aansu bahane ke liye
koi zahid ban gaya hai koi vaa.iz ban gaya
kaise kaise svang hain roTi kamane ke liye
naqd-e-dil ko varte hain ham lab-e-pan-ḳhurda par
nazr laa.e hain tumhare paan khane ke liye
mujh pe hai chashm-e-itab auron pe shafqat ki nazar
mujh ko izra.il iisa ho zamane ke liye
ka.aba-e-ummid ki ta.azim vajib thi zarur
ham ne bose ‘sehr’ us ke astane ke liye
Leave a Reply